საქართველოს 4-დღიანი ტური: ღვინო, მთები და ისტორია

დღე 1 — დღე 1: კახეთი

1. დასაწყისი · დილა უჯარმის ციხე

   დილაობით ვიწყებთ კახეთის რეგიონის შესწავლას, რომელიც ცნობილია თავისი მეღვინეობით. ჩვენ დავტკბებით დიდი კავკასიონის მთებისა და კახეთის ხეობების შესანიშნავი ხედებით, გავეცნობით ქვეყნისა და რეგიონის ტრადიციებსა და კულტურას, დავაგემოვნებთ ღვინოებსა და გემრიელ კერძებს. პირველ რიგში მივდივართ უჯარმის ციხის სანახავად.

2. შუადღე ქალაქი თელავი

   ჩვენ ვნახავთ ქალაქ თელავს (კახეთის ერთ-ერთი უდიდესი და უძველესი ქალაქი), იქ ვნახავთ მეფე ერეკლე II-ის სამეფო სასახლეს, 900 წელზე მეტი ხნის ჭადრის ხეს.

3. შუადღე ღვინის ქარხანა

   ამის შემდეგ ჩვენ გვექნება შესაძლებლობა დავაგემოვნოთ ქართული ღვინო, ღვინის ქარხანაში.

4. დასასრული · საღამო სიღნაღი და ღამისთევა

   შემდეგ მივდივართ სიყვარულის ქალაქ სიღნაღის სანახავად, ტრანსფერი სასტუმროში, ღამისთევა კახეთში.

დღე 2 — დღე 2: მცხეთა, გორი და უფლისციხე

1. დასაწყისი · დილა მცხეთის ისტორიული ადგილები

   დილაობით ვეწვევით საქართველოს უძველეს დედაქალაქს და რელიგიურ ცენტრს – მცხეთას და ვნახავთ მის ისტორიულ ადგილებს: ჯვრის მონასტერს (VI ს.) და სვეტიცხოვლის საკათედრო ტაძარს (XI ს.), სადაც დაკრძალულია ქრისტეს კვართი. ჯვარიც და სვეტიცხოველიც იუნესკოს მსოფლიო მემკვიდრეობის ძეგლებია.

2. შუადღე უფლისციხის გამოქვაბულები

   გავემგზავრებით დიდი აბრეშუმის გზის გასწვრივ ქალაქ გორისკენ. გორის მახლობლად ვესტუმრებით უფლისციხის გამოქვაბულებს (ძვ.წ. I ათასწლეული) – აღმოსავლეთ-დასავლეთის დიდი სავაჭრო გზის ერთ-ერთ მთავარ წერტილს. ოდესღაც აყვავებული ქალაქი ახლა გვთავაზობს სეირნობას უძველეს ქუჩებში, კლდეში ნაკვეთ თეატრში, სამეფო დარბაზებსა და აფთიაქში, ხოლო ბეღლებისა და დიდი თიხის ღვინის ჭურჭლის ნაშთები გარკვეულ წარმოდგენას გვაძლევს მცხოვრებთა ყოველდღიურ ცხოვრებაზე.

3. დასასრული · საღამო დაბრუნება თბილისში

   ამის შემდეგ დავბრუნდებით თბილისში, ღამისთევა თბილისში.

დღე 3 — დღე 3: ყაზბეგი და გუდაური

1. დასაწყისი · დილა გზა ყაზბეგისკენ

   თბილისიდან ყაზბეგისკენ მიმავალი საოცარი გზა მდინარე თერგის გასწვრივ, გზად პირველ რიგში გაჩვენებთ ზინვალის კაშხალს, შემდეგ ვნახავთ ანანურის ციხეს, ამის შემდეგ გავჩერდებით გუდაურში და მივალთ სტეფანწმინდაში – რეგიონის მთავარ ქალაქში.

2. დასასრული · შუადღე/საღამო გერგეტის სამება

   იქიდან ავალთ გერგეტის სამების ტაძარში, რომელიც მდებარეობს 2175 მ სიმაღლეზე. ამინდის ხელშეწყობის შემთხვევაში, შეგიძლიათ თვალი მოჰკრათ კავკასიონის ერთ-ერთ უმაღლეს მყინვარს – მყინვარწვერს (5047 მ). ღამისთევა ყაზბეგში.

დღე 4 — დღე 4: დარიალი და ჯუთა

1. დასაწყისი · დილა დარიალი და გველეთი

   დილაობით გავემგზავრებით დარიალის ხეობაში, ავალთ სოფელ გველეთში, იქ ვნახავთ გველეთის ჩანჩქერს.

2. დასასრული · შუადღე ჯუთა და დაბრუნება

   შემდგომში მივალთ ჯუთას ხეობაში, თავისი საოცარი ხედებით, იქ დავაგემოვნებთ საჭმელს, ვნახავთ ღირსშესანიშნაობებს და გვიან შუადღისას გავემგზავრებით თბილისში, ღამისთევა თბილისში.